Støðið er høgt og tónleikurin fjølbroyttur

Sjey bólkar skulu í annaðkvøld kappast um at gerast vinnari av Sement 2014.

Seks bólkar spældu seg beinleiðis í finaluna, teir eru : Punjab, Lyon & the Colurstorm, Nystrøm, Frank in a Phonebox, Ranchus og Grús.

Síðani sluppu dómararnir at velja eitt wild card. Dómararnir góvu Asyllex enn ein møguleika at vera við í kappingini.

Bartal Augustinussen sum fyriskipar kappingina, sigur at støðið er hægrið enn undanfarin ár. Og tað sum er eyðkent er at bólkarnir spæla sera fjølbroyttan tónleik.

Hann vitjaði okkum í útvarpstovuni í morgun og greiddi frá finaluni, sum verður í annaðkvøld kl 20 í Perluni í Havn.