Nú verður avgjørt um vit fáa Oyggjaleikir í 2019

Óvissan um tólvtu ítróttargreinina gevur ÍSF fólkunum ringar nervar í hesum døgum.

Tey skulu á aðalfund á Jersey leygardagin. Og á tí fundinum verður avgjørt, um Føroyar fáa Oyggjarleikirnar í 2019.

Fyri at fáa leikirnar, skulu Føroyar bjóða 12 ítróttargreinar. Føroyar hava bara 11 sum er, sigur Petur Elias Petersen, ÍSF forseti.

Hann sigur, at tað ber til at fáa golfvøllin á Glyvursnesi lidnan í 2019, men tá skal arbeiðið ikki byrja seinni enn fyrst í nýggja árinum.

Næsta ár verða Oyggjaleikirnir á Jersey, í 2017 í Gotlandi og leygardagin fæst at vita, um teir verða í Føroyum í 2019.