-Bar ikki til at gista bíligari

30.09.2014 - 11:23

Innlendis›Politikkur

Visit Tórshavn hevur roynt alt tað, tað er ment at fáa gistingarnar á oljumessu í Stavanger so bíligar sum gjørligt, sigur stjórin í Visit Tórshavn.

Finnur Koba

Aktivera javascript

Stjórin í Visit Tórshavn, Theresa Kreutzmann, ið samskipaði ferðina hjá Tórshavnar Kommunu til Stavanger, hava tey gjørt alt tað, tey kunnu, fyri at tryggja so bíligar gistingar í Stavanger sum gjørligt.

Dýrari gistingar enn almenn áseting

Fleiri av føroysku luttakarunum gistu væl dýrari enn tær 1450 krónurnar, sum Fíggjarmálaráðið hevur ásett sum dýrastu gisting fyri tænastufólk, ið gista í Noregi.

Stjórin á Lønardeildini umhugsar at herða reglurnar, tí ov dýrar almennar gistingar í útlandinum hava vundið upp á seg.

Royndu at bíleggja í góðari tíð

Ein møguleiki er at krevja, at kommunur og stovnar bíleggja í góðari tíð.

Men sambært stjóranum í Visit Tórshavn royndu tey at bíleggja longu tvey ár áðrenn, men hetta bar ikki til.

Stjórin í Visit Tórshavn leggur afturat, at eitt norskt bookingfelag í Stavanger tók sær av gistingunum, og tí eru tey eru ikki harrar yvir, hvar luttakararnir sluppu at gista í býnum, og hvussu nógv sluppu at búgva í íbúðum og hvussu nógv sluppu at gista á gistinarhúsi.

Les eisini: Gistingar í stríð við almennar reglur