Pallborð: Eitt nýtt málstríð skal til

Stundin er komin at leggja kegl og ósemjur um málið tilsíðis og heldur seta út í kortið eina ætlan fyri, hvussu føroyskt mál eisini verður tøkt í samskiftistøknini, tí hetta er tað týdningarmesta stigið í at menna føroyskt mál.

Tað var breiða semjan millum luttakararnir á pallborðsfundi um børn og føroyskt mál í skúlanum við Løgmannabreyt, sum Barnaútvarpið hevur tikið stig til. Samstundis ásannaðu tey, at tað ber ikki til at týða alt, sum er, til føroyskt. 

Gestir við borðið eru Oddfríður Marni Rasmussen, lærari, Katrin Bjarnadóttir, námsfrøðingur og taluráðgevi, Vár í Ólavsstovu, móðirmálsfrálærufrøðingur, Katrin Petersen, foreldur og Høgni Reistrup, miðlafrøðingur.