Løgreglan viðgongur: Kanningararbeiðið var drúgt

Løgreglan ásannar, at kanningararbeiðið í málinum móti kommunulæknanum HEVUR tikið sera drúgva tíð.

-Tí skilja vit eisini, at kvinnurnar sum hava meldað, eru ørkymlaðar, sigur Hildur Hentze.

Politikommisserurin vísir tó á, at tað eru serligar orsøkir til at kanningararbeiðið tekur tíð. Millum annað tí at fleiri kvinnur komu afturat, tí donsku heilsumyndugleikarnir skuldu gera sínar læknafakligu metingar.