Alex og Kristina Bærentsen syngja

Alex Bærentsen, sum býr í Danmark, hevur ikki fingist við tónleik í nógv ár, men sunnudagin er konsert við honum á Hotel Føroyum. Dótturin, Kristina Bærentsen verður eisini at hoyra.

- Babba hevur heimsins bestu rødd og tað havi eg altíð hildið. Tá eg var barn og vinkonurnar komu at spæla við meg, skuldi fløgan Alex Bærentsen altíð frá, sigur ein Kristina Bærentsen, flennandi.

Fyrstu ferð, tað av álvara slóð Alex, hvussu vakra og serstaka rødd Kristina hevur, var, tá pápi hansara fór til jarðar.

- Kristina sang til jarðarferðina, hon var 11-12 ára gomul. Hon hevði alla fjøldina í síni hond, sigur Alex.