Nú kanst tú melda teg til Morgunkórið

28-01-2015

Morgunsendingin leitar eftir fólki úr øllum landinum, ið eru omanfyri 18 ár, sum ikki hava drúgvar sangroyndir

Ert tú omanfyri 18 ár og ikki hevur drúgvar sangroyndir, ja so er at melda seg til nýggja "Morgunkórið", sum Sigrið Sivertsen skal leiða.

Morgunkórið er ein verkætlan, ið tekur 12 vikur, og vant verður einaferð um vikuna. Eftir 12 vikum verður endað við eini framførslu, har úrslitið verður avdúkað.

Morgunsendingin fer at fylgja kórinum í hetta tíðarskeiðið, so tí er gott um fólk ikki ræðast eina mikrofon.

Vit leita eftir fólki úr øllum landinum, so hóast at venjingin er sett at vera kl 19-21 mánakvøld, so verður hon flutt til 18.30-20.30, um suðuroyingar melda seg til.

Soleiðis gert tú

Send eitt teldubræv til gmf@kvf.fo. Skriva okkum tvær reglur um teg og hví tú hevur hug at vera við. Minst til at skriva navn, aldur og bústað í teldubrævið.

Hoyr samrøðuna við kórleiðaran Sigrið Sivertsen omanfyri.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)