Kórsangarar: Morgunkórið komið fyri at vera

03-03-2015

Kórið er ein familja, sigur Sigrið Sivertsen, kórleiðari. Kórsangararnir taka undir við henni og vóna at kórið ikki bert er ein verkætlan

Tað eru nú 14 dagar síðani at morgunkórið hevði sína fyrstu venjing.
Í januar leitaði morgunsendingin eftir føroyingum, sum ynsktu at vera við í einum kóri við óroyndum kórsangarum.

Morgunsendingin setti seg í samband við kórleiðaran Sigrið Sivertsen, og eftir hon tugdi uppá fyrispurningin í eina nátt, so var hon til reiðar. Áhugin var sera stórur millum fólk og eini 90 fólk mannað nú kórið.
Hon venur kórið eitt kvøld um vikuna í umleið 2 tímar. Morgunsendingin er til staðar til hvørja venjing.

Omanfyri er ein reportasja frá venjingini í gjárskvøldið.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)