Hon er enn mamma mín, men ikki ein "mamma"

23-03-2015

Jonhard Larsen hevur gjørt ein sang til mammu sína, sum hevur sváru sjúkuna, alzheimers. Jonhard greiddi í morgun frá sanginum og mammu síni

Jonhard Larsen eigur eina mammu, sum er 70 ára gomul, sum býr í einum sambýli í Klaksvík. Tá hon var 62 ára gomul, fekk hon staðfest Alzheimers.

Hetta hevur, sum tað ofta ger hjá teimum avvarandi, sett síni merki í lívið og gerandisdagin hjá Jonhardi og familjuni annars.

Hann sigur at familjan ongantíð hevur tosað við mammuna um sjúkuna og hetta harmar hann. Hann leggur afturat at hóast mamman ikki veit at sanginum, so hevur tilgongdin verið sum eitt slag av terapi fyri hann.

Hoyr sangin og samrøðuna við Jonhard Larsen omanfyri.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500