Yvirtøkan av útlendingamálum má bíða

Meirilutin í Uttanlandsnevndini hjá løgtinginum heldur tað ikki vera ráðiligt at samtykkja at yvirtaka útlendingaøkið, áðrenn samráðingarnar hjá landsstýrinum um støðu Føroya í Schengen samstarvinum um markaeftirlit eru lidnar.

Tí fara samgonguflokkarnir í Uttanlandsnevndini at mæla løgtinginum til at fella uppskotið hjá Tjóðveldi, Framsókn og Sjálvstýrisflokkinum um at yvirtaka útlendingamál og marknaeftirlit.

Uppskotið hevur verið í Uttanlandsnevndini síðani 4.november í fjør.

Uttanlandsnevndin er liðug við uppskotið, og álit verður skrivað, sigur Jákup Mikkelsen, formaður í Uttanlandsnevndini: