Kirkjan fer út í náttúruna

Leygardagin fer kirkjan eina løtu út í náttúruna.

Triðja árið á rað skipar Sonja Klein, prestur, fyri pílagrímstúri úr Hoyvík til Kirkjubøar.

- Tað, at mann flytur kirkjuna út í náttúruna, ger nakað gott. Vit sleppa at vera still, og tað er nakað, sum annars er torført í einum gerandisdegi, har tað alla tíðina er gangur og larmur rundan um okkum, sigur Sonja Klein.

Teinurin úr Hoyvíkar kirkju til Kirkjubøar er lættur at ganga, og tí kunnu flest øll vera við á túrinum.

- Vit steðga á í nøkrum kirkjum á leiðini, og í Reynsmúlalág verður ein gudstænasta, samstundis sum vit eta matpakka, fortelur Sonja Klein.

Pílagrímstúrurin byrjar klokkan 9.00 í Hoyvíkar kirkju