Jens-Kjeld Jensen heiðursdoktari

Tað er ein heiður at verða tilnevndur sum heiðursdoktari.

Tað sigur Jens-Kjeld Jensen, sum var ein av trimum, sum vórðu tilnevndir heiðursdoktarar, tá Fróðskaparsetur Føroya í gjár hátíðarhelt 50 ára stovningardagin.

Men hann er enn ikki vísur í, hvat hann fer at nýta heiðurin til.

Hinir báðir, sum vórðu tilnevndir heiðursdoktarar, vóru Hanus Kamban og Petur Jacob Sigvardsen.

Hanus Kamban er kendur fyri sítt rithøvundavirksemi og fyri millum annað at hava granskað í Áarstovubrøurnar, Hans Andrias og Janus Djurhuus.

Og Petur Jacob Sigvardsen hevur skrivað fleiri søguligar bøkur, eitt nú søguna um torvskurð í Føroyum og Gjáar søgu.