Skuld skal ikki byggjast upp í góðum tíðum

Búskaparráðið undrast á, at Føroyar hava uppbygt sær næstan seks milliardir í bruttoskuld seinastu árini, meðan tíðirnar hava verið so góðar.

5,9 milliardir

Bruttoskuldin hjá Føroyum er í ár 5,9 milliardir krónur. Bara eitt ár síðan ár 2000 hevur skuldin verið hægri enn í ár. Tað var í 2013, tá bruttoskuldin var 6,1 milliardir krónur. Tá eru tænastumannaskyldur og aðrar veðhaldsskyldur hjá landskassanum ikki íroknaðar.
Skuld eigur ikki at byggjast upp í so góðum tíðum sum Føroyar hava havt seinastu árini, sigur formaðurin í Búskaparráðnum, Sverri Hansen.