Kira Kira Kon í Eysturskúlanum

14-10-2015

Cosplay er rolluspæl úr japanskum teknirøðum, og sum eisini er í Føroyum. Um vikuskiftið savnasst tey í Eysturskúlanum.

Stevnan, Kira Kira Con, verður hildin í Eysturskúlanum í Tórshavn, Nám x tann 16. til 18. oktobur.

Hetta er fyrstu ferð, at Kira Kira Con verður hildin, og er næsta cosplay stevnan av sínum slag í Føroyum.
Kira Kira Con er stevna har japanska mentanin innan tekniseriuheimin er í hásætinum, t.d. cosplay, manga, videospøl, tónleik og anime.

Høvuðseyðkenni fyri slíkar stevnur kring heimin er "Cosplay", ið er stytting fyri "Costumeplay". Cosplay er, at fólk gera og ganga í búnum við íblástri frá tekniserium, og verður hetta eisini í Kira Kira Con.
Endamálið at halda stevnuna, er at samla fólk í Føroyum við hesum áhuganum, og at geva øðrum møguleika fyri at at fáa eitt betur innlit í henda stuttliga og til tíðir forvitnisliga heim.

Les meira her

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)