Í desember letur nýggjur stovnur upp til ung fólk, sum hava sálartrupulleikar, sum krevja samdøgursviðgerð.

Áður hava ung fólk við sálarsjúkum verið send av landinum í longri ella styttri tíðarskeið, til viðgerð, og hetta hevur havt við sær stórt inntriv í familjulívið hjá unga fólkinum, og teimum avvarandi.

Almannaverkið hevur nú fingið hús í Havn, har pláss eru til fimm ung fólk við sálartrupulleikum. Her verður givið teimum venjng í at liva gerandisdagin sum flest onnur fólk, eitt nú við skúla- og arbeiðsmøgulleikum.

Stovnurin verður fíggjaður av játtanini til almannaverkið, men Birita Clementsen leggur afturat, at stórar sparingar eru, at geva hesum ungu fólkunum viðgerð í Føroyum.

Frá Almannaverkinum vóru Oddbjørg Johansen, dagligur samskipari og Birita Clemmentsen, eindarleiðari, komnar í útvarpsstovuna at greiða frá um nýggja stovnin.