Hans Tórgarð og Norröna í stórari sjónvarpsrøð

06-01-2016

Føroyski sjónleikarin og føroyska ferðamannaskipið eru týðandi partar av størstu íslendsku sjónvarpsrøðini nakrantíð

Ófærð eitur sjónvarpsrøðin, ein røð í tíggju partum á ein tíma hvør. Talan er um størstu íslendsku sjónvarpsframleiðsluna nakrantíð. Eina milliard íslendskar krónur hevur hon kostað, og er talan um íslendska framleiðslu burturav. Í Góðan morgun Føroyar greiddi Hans Tórgarð frá sínum leikluti í sjónvarpsrøðini og hvussu tað var, at vera partur av eini so stórari framleiðslu.

Ein brellbiti fyri Ófærð sæst her. Sjónvarpsrøðin verður víst á RUV. Tveir partar eru vístir, fyrsti parturin varð vístur 27. desember.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500