Fáa arbeiðsleys í arbeiði

28-04-2016

Arbeiðsloysi er so lítið sum ongantíð, samstundis sum eftirspurningurin eftir arbeiðsmegi er størri enn nakrantíð. Tað fer ALS at gera sær dælt av

Við einum nýggjum átaki, Arbeiði í eygsjón, fer ALS at tosa við tey, sum eru arbeiðsleys í dag, soleiðis at hesi eisini kunnu koma í arbeiði. Talið á arbeiðsleysum er 587, og ALS vónar at fáa minst 100 fólk í arbeiði aftrat, soleiðis at talið á arbeiðsleysum er nærri 400 enn 600.

- Hjá tí einstaka, sum er arbeiðsleysur, er arbeiðsloysi ein veruleiki, sum er ítøkiligur og eisini er ein avbjóðing, sigur Høgni í Stórustovu, deildarleiðari í ALS.

ALS fer undir Arbeiði í eygsjón mánadagin.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500