Einsemi er ein trupulleiki

02-05-2016

- Fleiri børn og ung kenna seg einsamøll í gerandisdegnum, og tí varpa vit ljós á evnið, sigur Salua Manai, leiðari á Margarinfabrikkini

Tað eru fleiri børn og ung, sum hava tað trupult og kenna seg einsamøll.

Tí setur Margarinfabrikkin í hesum døgum fokus á einsemi.

- Tað eru fleiri ymiskar orsøkir til, at børn og ung eru einsamøll. Tey verða av ymiskum grundum útifryst. Eitt nú kann húðarlitur, frítíðarítriv og vekt vera nakað, sum plágar tey, sigur Salua Manai.

Í síðstu viku hevði Margarinfabrikkin einsemi sum tema, og næstu vikurnar fara tey eisini at skipa fyri sokallaðum barnafundum, har børn og ung práta um einsemi.

Í morgunsendingini fortaldi leiðarin á Margarinfabrikkini um børn og ung, sum kenna seg einsamøll.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500