Bob Dylan 75 ár

24-05-2016

Morgunsendingin fagnaði Bob Dylan, nú hann fyllir 75 ár, við at spæla nógvan tónleik hjá honum og at fáa Meinhard Jensen at greiða frá

Meinhard Jensen greiddi frá ymsu tíðarskeiðunum, sum hava eyðkent lívið og yrkisleiðina hjá Bob Dylan. Somuleiðis greiddi hann frá, hví Bob Dylan er ein so góður sangari og - ikki minst - yrkjari.

Aftrat hesum hevði Meinhard Jensen valt tríggjar sangir, honum dámar sera væl, og sum ikki eru nógv spældir.

Bob Dylan verður fagnaður bæði á bókasavninum við Løkin í Runavík í kvøld klokkan 19:30 og á Reinsarínum í Havn klokkan 20:00. Hetta við fyrilestri og livandi tónleiki.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)