Fróði er klárur til í kvøld

17-06-2016

Fróði Hansen skal á pall við bólki á Reinsarínum í Havn í kvøld. At hann er klárur til konsertina, vísti hann við tveimum sangum í morgunsendingini

Argjamaðurin, Fróði Hansen, er fløguaktuellur við útgávuni, Ultramarine. Í kvøld hevur hann útgávukonsert á Reinsarínum í Tórsgøtu í Havn.

Systir hansara, Guðrið Hansdóttir, fer at hita upp. Síðani fara Fróði sjálvur og Bogi á Borg at spæla nøkur akustisk løg, áðrenn Fróði við bólki fer a á pall.

Á skránni eru sjálvandi løgini á nýggju útgávuni, men eisini løg av eldri útgávum hjá Fróða.

Fróði Hansen var í hesum sambandi í morgunsendingini og spældi tvey løg.

Útgávukonsertin hjá Fróða verður á Reinsarínum í Tórsgøtu í Havn í kvøld, fríggjakvøldið, klokkan 21:00.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500