- Tíðindi, mentan og ítróttur
Góðan morgun Føroyar
Høvuðsendamálið við Filmsfelagnum og tiltakinum 'Filmsdagar í Felag,' er at savnast og vísa nýggjan, góðan film í Havnar Bio fyri ein bíligan penga.
Grundsjónarmiðið við 'Filmsdøgum í Felag' er at fáa fleiri partar at samstarva um eina filmsstevnu í Havn.
Fleiri og fleiri ungfólk ganga í biograf í Havn, helst tí at útboðið í biografinum er sjáldsama gott og meinlíkt skránni hjá biografum í stórbýum úti í heimi.
Býarbókasavnið í Havn er við í hesum átaki, og tey fara at gera nógv burturúr týska filmsframleiðaranum, Wim Wenders.
Byrjað verður við fyrilestri í kvøld á bókasavninum, og klokkan 23 hvørt kvøld, og vikuna út verður midnáttarsýning í Ostahúsinum, har filmir hjá Wim Wenders verða sýndir.
Ostahúsið er aftanfyri Reinsaríið í Tórsgøtu í Havn.