Virða ikki hoyringsrættin

Landsstýrið virðir ikki hoyringsrættin hjá Røkt í málinum um loyvi at gagnnýta vatnorkuna í áum og vøtnum. Tað sigur stjórin í Røkt, sum enn ikki hevur fingið málið um vatnloyvini til hoyringar, hóast SEV longu hevur latið sítt hoyringssvar

- Í februar 2014 fingu vit skrivliga at vita frá landsstýrinum, at vit eru hoyringspartur í málinum. Nú fáa vit ikki so frægt sum eina grundgeving fyri, hví vit ikki skulu hoyrast, sigur Jóhan í Niðristovu, stjóri í Røkt.

- Vit viðgera framvegis hoyringsrættin hjá Røkt, men felagið fær eitt svar og eina grundgeving. Og málið um vatnloyvini verður ikki avgreitt áðrenn, lovar Petur Joensen, ráðgevi í orkumálum í Heilsu- og innlendismálum.