Fýra tvíburapør innan ein mánaða

17-02-2017

Millum jólanna kom eitt tvíburapar, og fýra higartil í ár. Tað er hægri tal enn vit eru von við, sigur Jytta Joensen, ljósmóðir á føðideildini

Um gongdin heldur fram, verður hetta metár við tvíburum. Árið 2013 var metár tá 16 tvíburapør vóru borin í heim.

7. februar átti Shari Mikkelsen úr Klaksvík tvíburar. Tvær gentir. Shari er glað og vælnøgd fyri dagarnar hon hevur verið á føðideildini, og tvíburarnir trívast væl, sigur hon.

Í fjør vórðu 676 børn fødd á Landssjúkrahúsinum. Harav vóru sjey føðingar av tvíburðum.

Føðideildin hevði mest at gera í juli og august, har ávikavist 72 og 70 føðingar vóru. Sostatt eru 77 børn fleiri fødd á Landssjúkrahúsinum í 2016 í mun til árið fyri, tá 599 børn vóru fødd á Landssjúkrahúsinum.
Á Suðuroyar Sjúkrahúsi vórðu seks børn fødd í 2016.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)