12 vindmyllur setast upp í Suðuroy

Tað skal fáa elorkuna úr varandi orkukeldum upp í 70 prosent av samlaðu elframleiðsluni. Ætlanin er gjørd í tøttum samstarvi við ORKA, sum fyrr æt Jarðfeingi.

Ætlanin er at seta 12 vindmyllur upp í Suðuroynni saman við einari pumpuskipan og einari battarískipan.

SEV mælir til at byggja eina vindmyllulund við battarískipan aftrat í høvuðsstaðarøkinum. Og byrjast kann longu næsta ár, sigur Hákun Djurhuus, stjóri í SEV:

Í Suðuroynni hava SEV og ORKA gjørt vindmátingar í eitt lítið ár. Í báðum verkætlanum skulu gerast fleiri kanningar, áðrenn arbeiðið kann byrja.

SEV hevur gjørt sær metingar um, hvat ætlanin fer at kosta, men av tí at øll elframleiðsla skal bjóðast út, fæst ikki at vita, hvør endaligi kostnaðurin verður, fyrr enn útboðið hevur verið, sigur Hákun Djurhuus.