Vistu at loyvið varð flutt

Høgni Hoydal, landsstýrismaður, og Rógvi Reinert, aðalstjóri í Fiskimálaráðnum, vistu longu í fjør summar, at veiðiloyvið hjá línuskipi varð flutt uppsjóvarskipi.

Teir gjørdu einki við tað tá. Tað sigur Elmar Højgaard, stjóri í Vørn.

Í einum yvirliti, sum Vørn fekk frá Fiskimálaráðnum fyri tveimum mánaðum síðani, stendur, at veiðiloyvi eru flutt frá línuskipum í bólki 3 til uppsjóvarskip, millum annað í 2016.

Í apríl fekk Vørn arbeiðið at umsita og avgreiða veiðiloyvi uttan fyri fiskidagaskipanina. Umsitingin og avgreiðslan vóru hjá Fiskimálaráðnum til tær vórðu fluttar til Vørn.