Vaktarhald við Varðan Pelagic

Eldurin í Varðanum Pelagic er slóknaður, og tað sum eftir er av bygninginum er næstan kólnað. Enn ganga vaktir tó við bygningin, tí vandi er fyri at okkurt kann rapa. Vaktirnir skulu eisini tryggja, at ongin fer inn á økið, áðrenn kanningararbeiði er gjørt.

Ein fráboðan var í nátt til løgregluna um ammoniaklukt frá virkinum, men ongin vandi var av hesum, sigur Jaspur Vang, sýslumaður á Tvøroyri.

Hann veit enn ikki greitt, nær kanningarlið kemur til Føroyar, at kanna eldsbrunan.