SAS ætlar ikki at flúgva hvønn dag

11.08.2017 - 14:13
AktueltSamfelag
SAS ætlar ikki at flúgva hvønn dag
Poul Michelsen, landsstýrismaður, fer at hava telefonfund við skandinaviska flogfelagið mánadagin
SAS ætlar at flúgva færri túrar til Føroya í vetur
 
 

Tak niður

Skandinaviska flogfelagið, SAS, ætlar sær ikki longur at flúgva hvønn dag millum Keypmannahavn og Vágar. Felagið fer at gevast við flúgvingini týsdag og mikudag.

Tað skrivar Dimmalætting.

Á bókingarskipanini á heimasíðuni hjá SAS sæst, at frá 3. oktober verður ongin flúgving til Føroyar týsdag og mikudag. Og á samskiftisdeildini hjá SAS vátta tey fyri Dimmalætting, at felagið hevur tikið avgerð um at tað verður ikki flogið hesar dagar fram til 24. mars.

Men tað er hugsandi, at hetta kann fáa avleiðingar fyri loyvið hjá SAS at flúgva upp á Føroyar.

Kann fáa avleiðingar

Poul Michelsen, landsstýrismaður í vinnumálum, sigur við Dimmalætting, at hendan avgerðin saktans kann hava við sær, at hann sum ovasti politiski myndugleiki í Føroyum, fer at mæla loftferðslustýrinum í Danmark frá at leingja flúgviloyvið hjá SAS.

Við kringvarpið á middegi sigur Poul Michelsen, at hann ikki hevur fingið váttað frá SAS, at tey ætla at taka tveir dagar burturúr. Men føroyskir myndugleikar vildu upprunaliga tryggja sær, at SAS fleyg regluliga.

Poul Michelsen hevur avtalað telefon við SAS um málið mánadagin.

 
Nýggjastu sendingar í ÚV
Sunnudag 22. juli
Guðstænasta í Húsa kirkju
83533
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334