Atlantic-stjóri: Sersømdir eru í lagi

Merkið, sum nýggja kortið eitur, gevur eyka ágóðar, so sum ókeypis mat og drekka umborð á flogførunum hjá Atlantic Airways, atgongd til CPH Express í Kastrup, ið ger at man kemur skjótt gjøgnum trygdareftirlitið á flogvøllinum, atgongd til CPH Apartment Lounge í Kastrup og altíð tvey stykkir av viðføri ókeypis við í flogfarið. 

Hetta kortið fáa tey, ið hava ferðast nógv og hava fingið yvir 40.000 point. Atlantic Airways velur eisini nøkur fólk afturat, sum eftir teirra meting, eru stórkundar hjá Atlantic Airways.

Jóhanna á Bergi, stjóri á Atlantic Airways, heldur ikki, at slíkt kort er nakar trupulleiki.