Óttast at fosturtøkulógin verður herd

19.08.2017 - 12:52
AktueltPolitikkur
Óttast at fosturtøkulógin verður herd
Eitt uppskot um at liberalisera fosturtøkulógin kann enda við einar herðing. Tí aftrar Annita á Fríðriksmørk seg við at leggja málið fyri løgtingið

Tak niður

Allar politisku ætlanir, um at gera tað lættari hjá kvinnum at fáa fosturtøku í Føroyum, eru higartil køvdar av óttanum fyri, at møguleikarnir hjá kvinnum at fáa fosturtøku verða meira avmarkaðir.

Tað heldur Annita á Fríðriksmørk, løgtingskvinna fyri Tjóðveldi.

Hon hevur í nógv ár verið fortalari fyri at dagføra og liberalisera fosturtøkulóggávuna, sum er frá 1956. Men hóast ein nýggj kanning vísir, at meiriluti er millum føroyingar fyri at dagføra fosturtøkulóggávuna, og 30 prosent taka undir við fríari fosturtøku, so hevur Annita á Fríðriksmørk enn ikki lagt nakað uppskot fyri løgtingið um at broyta lóggávuna.

Orsøkin er heilt einfalt, at tjóðveldistingkvinna óttast, at eitt møguligt uppskot um at gera tað lættari hjá kvinnum at fáa fosturtøku í Føroyum kann enda við, at lógin verður herd, og tað harvið verður trupulari hjá kvinnum at fáa fosturtøku.

Gamla meginreglan um, at "mann veit, hvat mann hevur, men mann veit ikki, hvat mann fær," vigar tungt hjá Annitu á Fríðriksmørk.

Eins tungt vigar tað, at tað higartil ikki hevur verið nakað úttalað ynski millum fólk at liberalisera fostustøkulóggávuna.

 
 
Nýggjastu sendingar í ÚV
Týsdag 19. januar
Breddin
119145
Týsdag 19. januar
Óhoyrt
119143
Týsdag 19. januar
Tempo
119133
Týsdag 19. januar
Góðan morgun Føroyar 19.01.2021
119121
Nýggjastu sendingar í SV
Mánadag 18. januar
3-2
119108
Sunnudag 17. januar
Andakt við Jens Bech
119046
Sunnudag 17. januar
Guðstænasta í kirkjuni við Norðskála
119037
Mikudag 13. januar
Mentanarvirðislønir landsins 2020
118890