Vinarbólkar rigga ikki í øllum flokkum

19.09.2017 - 12:52
MentanBørn
Vinarbólkar rigga ikki í øllum flokkum
- Er talan um ein dysfunktionellan flokk, eru vinarbólkar ikki loysnin, sigur sálarfrøðingur
Mynd: Savnsmynd  
 
 

Tak niður

Í hesum døgum verður kjakast í Danmark um sokallaðar vinarbólkar ella spælibólkar, sum teir eisini verða nevndir.

Í vinarbólkum verða skúlanæmingar settir saman í bólkar av læraranum á 4 til 6 persónar, og síðani hittast tey av og á heima hjá hvørjum øðrum.Vanliga plaga foreldrini at børnunum í bólkinum at hittast, tá spælidagurin er liðugur.

Serfrøðingar í Danmark finnast í hesum døgum at vinarbólkum, tí teir meina, at tað er at noyða børn at vera saman.

Men hvussu riggar tað at seta ymisk børn at spæla saman?

Rigmor N. Arge er sálarfrøðingur og hevur børn og ung sum eitt av sínum serøkjum. Sum heild eru vinarbólkar eitt gott hugskot, heldur hon.

- Men skulu vinarbólkar rigga, so er týdningarmikið, at byrjað verður við teimum longu í fyrsta flokki, tí tá eru børnini púra fordómsleys og kenna ikki hvønn annan, soleiðis sum tey gera í til dømis fjóðra flokki, sigur Rigmor N. Arge.

- Eisini er umráðandi, at foreldrini taka undir við vinarbólkunum og vísa børnunum, at hetta dámar teimum eisini, sigur Rigmor N. Arge.

Tað er tó ikki altíð, at vinarbólkar rigga væl.

- Er talan um ein dysfunktionellan flokk, so eru vinarbólkar ikki loysnin, sigur Rigmor N. Arge.

Í morgunsendingini greiddi hon frá vinarbólkum, fyrimunum og vansum. 

 
Nýggjastu sendingar í ÚV
Mánadag 19. februar
Norðurljóð 19.februar 2018
77754
Mánadag 19. februar
Morgunlestur mánadagur 19. februar 2018
77557
Sunnudag 18. februar
Meg minnist: Bárður Jákupsson (3:4)
77458
Sunnudag 18. februar
Bolero
77706
Nýggjastu sendingar í SV
Mánadag 19. februar
3-2
77770
Sunnudag 18. februar
Andakt við Jógvani Højgaard
77724
Sunnudag 18. februar
Møti úr Emmaus í Klaksvík
77710
Leygardag 17. februar
Hondbóltur: Kyndil - H71
77693
Leygardag 17. februar
Hondbóltur: VíF - Kyndil
77691