Háfoss: Líka útbúgving gevur ikki líka løn

03.01.2018 - 14:13
AktueltPolitikkur
Háfoss: Líka útbúgving gevur ikki líka løn
Landsstýriskvinnan kveistrar til viks kravið frá Pedagogfelagnum um at fáa sama lønarkarm sum sjúkrarøktarfrøðingar, 10 prosent yvir tvey ár
Kristina Háfoss, landsstýriskvinna í fíggjarmálum
 
 

Tak niður

Líka útbúgving gevur ikki líka løn. So einfalt er tað. Kristina Háfoss, landsstýriskvinna í fíggjarmálum, kveistrar til viks kravið frá Pedagogfelagnum um at fáa sama lønarkarm sum sjúkrarøktarfrøðingarnir, ið fingu stívliga 10 prosent í lønarhækking í tvey ár.

Tá Kristina Háfoss 20. november í fjør skrivaði undir nýggjan sáttmála við Felagið Føroyskir Sjúkrarøktarfrøðingar, varð hon spurd um lønarhækkingina í prosentum. Landsstýriskvinan svaraði:

-Samanlagt er lønarhækkingin smá 10 prosent yvir tvey ár, tað eru knøpp fimm prosent árliga.

Orðini frá Kristinu Háfoss vaktu ans í Pedagogfelagnum, sum tá skuldi undir sínar sáttmálasamráðingar.

Í dag sigur Kristina Háfoss, at vanligir sjúkrarøktarfrøðingar hava ikki fingið 10 prosent lønarhækkan yvir tvey ár, men fimm prosent yvir tvey ár. Restin av karminum er farin til at lønir og umflokkingar hjá leiðarum, sum afturfyri missa yvirtíð og onnur gjøld.

Tað stendur framvegis í botni í samráðingum millum Pedagogfelagið øðrumegin og Fíggjarmálaráðið og Kommunala Arbeiðsgevarafelagið (KAF) hinumegin. Kristina Háfoss, sum skal góðkenna nýggju sáttmálarnar við allar námsfrøðingar, vísir nú á, at karmurin í sáttmálinum við Starvsmannafelagið er støðið fyri sáttmálum hjá øllum tí almenna arbeiðsmarknaðinum:

-Samlaði kostnaðurin í meðal fyri allar sáttmálasamráðingarnar, fyri landið og tað almenna, skal liggja á umleið 2,3 prosent fyrsta árið og umleið 2,5 prosent næsta árið, sigur Kristina Háfoss.

Sjúkrarøktarfrøðingarnir fóru til samráðingar við herrópinum "rættið skeivleikan". Tað tók landsstýriskvinnan undir við. Kristina Háfoss segði tað vera neyðugt at lyfta henda fakbólkin. Pedagogfelagið er farið til samráðingar við herrópinum "líka útbúgving, líka løn". Tað tekur landsstýriskvinnan ikki undir við.

-Grundleggjandi haldi eg ikki, at líka útbúgving skal geva líka løn. Tí so kundi man bara gjørt eitt "bachelor-fakfelag" og so fingu øll somu løn, uttan mun til, hvat arbeiði tey gjørdu. Tað undrar meg, at man ikki hyggur eftir, hvat arbeiði verður gjørt, sigur Kristina Háfoss.

Landsstýriskvinnan í fíggjarmálum vísir á lønarnevndararbeiðið, sum Fíggjarmálaráðið setti ígongd í 2016, men sum tó ikki er liðugt enn. Har skulu møguligar umflokkingar gerast, meðan vanligar lønarhækkingar skulu fylgja yvirskipaða karminum, sigur Kristina Háfoss.

Hoyr samrøðu við Kristinu Háfoss við at trýsta á pílin undir myndini.
 

 
Nýggjastu sendingar í ÚV
Hósdag 19. juli
Morgunlestur hósdagin 19. juli 2018
82859
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333