Hummarafelagið í øðini

bannari
12.02.2018 - 16:41
AktueltVinna
Hummarafelagið í øðini
Vinnunevndin kann einki gera við, at hummarafelagið kennir seg til trongt til síðis av alivinnuni og hóttir við endurgjaldskravi á slakar 50 mió.
Mynd: © Hummarfelagid.com  

Tak niður

At Hummarafelagið kennir seg trongt til síðis av alivinnuni, og hóttir við at fara í rættin við einum endurgjaldskravi uppá slakar 50 milliónir kr, fyri mist rættindi, kann Vinnunevndin einki gera við, tí tað er landsstýrismaðurin í fiskivinnumálum, sum letur hummaraloyvini og landsstýrismaðurin í vinnumálum, sum umsitur alivinnuna.

Tað sigur Bjørt Samuelsen, forkvinna í Vinnunevndini, sum hevur fingið eitt hvassorðað hoyringarskriv frá Hummarafelagnum, nú nevndin umrøður nýggju alilógina.

Hvassorðað skriv

Hummarafelagið vísir í skrivinum á, at hummari er fiskaður síðani í 1947, og síðani í 1982 er fiskiskapurin ásettur í kunngerð, tann seinasta er frá 2014, tá loyvini fóru úr 50, niður í 40 loyvir. Samstundis er ásett, hvussu nógv kann fiskast í ymsu økjunum.

Felagið vísir eisini á, at hummarafiskiskapurin er minkaður við næstan einari helvt síðani í 2001, og at vaksandi alivinnan er orsøkin til tað.

Víst verður eisini á, at nógvur hummari doyr av vandamiklu evnunum, sum verða nýtt ímóti laksalúsini.

Hummarafelagið hevur verið í Vinnunevndini og greitt frá sínum sjónarmiðum. Nú fer Vinnunevndin at umrøða hoyringarsvarið, men forkvinnan í nevndini, Bjørt Samuelsen, vil ikki svara beinleiðis, um hon heldur tað vera rímiligt, at hummaraveiðan má minka so nógv í mun til alivinnuna.

Hummarafelagið vil hava endurgjald

Sambært Hummarafelagnum er royndin eftir hummara minkað við næstan eini helvt frá 2001 til 2016. Tað svarar til næstan 47 milliónir krónur, vísir ein uppgerð hjá felagnum, sum hevur fingið tøl til vega frá bæði Havstovuni og frá Hagstovuni.

Tí heldur felagið, at landsstýrismaðurin/menninir áttu at komið til sættis við Hummarafelagið um endurgjald. Endurgjaldið kundi verið munurin ímillum tað, sum nú verður fiskað og tað, sum kvoturnar av hummara hava verið seinastu nógvu árini.

Hummarfelagið sigur seg hava verið við til at fáa eina semju í lag fyri Sunduni Norður ímillum loyvishavarar á staðnum og Marine Harvest, sum báðir partar eru væl nøgdir við. 

Og landstýrismaðurin skal í minsta lagi bera so í bandi, at um økir verða tikin burtur av hummaraleiðum til alivirksemi, skal fult endurgjald verða latið til teir, sum fáa tap av avgerðini, sigur Hummarafelagið m.a. í hoyringsskrivinum.

Fleiri viðmerkingar

Vit hava roynt at fáa orðið á formannin í Hummarafelagnum, men tað eydnaðist ikki.

Hummarafelagið hevur eisini fleiri aðrar viðmerkingar, m.a. um at alifeløgini fara langt útum tey økir, sum tey hava fingið loyvi til at ala á, at alifeløgini ikki eiga at hava loyvi til at kanna sítt egna virksemi, og so sigur felagið eisini, at umhvørvisverndarlógin er alt lítið ítøkilig

Hoyr innslagið omanfyri. 

 
 

Sí eisini

29.08.19
98120
01.08.19
97257
16.07.19
96835
Nýggjastu sendingar í ÚV
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Leygardag 14. september
Morgunlesturin leygarmorgunin 14. september 2019
98622
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487