Barbara Holm: Vit hava skjalprógvið

26.02.2018 - 18:12
AktueltSamfelag
Barbara Holm: Vit hava skjalprógvið
Sosialurin helt, at samskiftið millum kelduna og Bjarna Hammer bleiv so álvarsligt, at blaðið valdi at geva løgregluni málið

Tak niður

Barbara Holm er blaðstjóri á Sosialinum. Vit spyrja hana, hví blaðið fer til løgregluna heldur enn at almannakunngera síni kanningarúrslit, soleiðis sum vanligt er.

- Í hesum konkreta førinum metti vit tað vera mest forsvarligt at gera tað upp á hendan mátan, sum vit hava gjørt tað, sigur Barbara Holm um rúsevnismálið um Bjarna Hammer, sum sambært Sosialinum hevur roynt at skaffa hassj til ungar kvinnur.

Ein serlig støða og søga

Narkodeildin bleiv kunnað í desember, og blaðið handaði so politinum málið síðst í januar.

- Vit hava síðst í januar mánaða valt at handa málið til løgregluna, alt sum tað er, og nú eru vit so her, sigur hon og leggur afturat, at hon ikki fær komið nærri inn á, júst hví Miðlahúsið hevur tikið hesa avgerð.

- Hetta her vísti seg tó skjótt at vera ein serliga støða og ein serliga søga, har okkara gravandi arbeiði leiddi fram til eitt úrslit, sum leiddi til at okkara løgfrøðingar og okkara leiðsla metti tað frægast at fara til løgregluna, sigur Barbara Holm um grundgevingina fyri, at Sosialurin handaði løgregluna málið.

Vit hava dokumentatiónina

Barbara Holm metir ikki, at Sosialurin er ógegnið í málinum, og at blaðið framvegis kann dekka málið, hóast blaðið nú er ein partur í málinum.

- Vit hava dokumentatiónina fyri tað, sum vit siga. Fyri tað um vit eru ein partur av málinum, so haldi eg kortini, at vit kunnu dekka tað. Vit kunnu kanska dekka tað betri enn nakar annar, netupp tí at vit hava verið ein partur av hesum og hava verið gravað í tí so langa tíð, sum vit hava.

Hoyr samrøðu við Barbaru Holm í brotinum omanfyri.

 
 
Nýggjastu sendingar í ÚV
Týsdag 25. juni
Morgunlestur týsdagur 25. juni 2019
95938
Mánadag 24. juni
Norðurljóð 24.juni 2019
95985
Mánadag 24. juni
Við seyði í fjallahagan (2:4)
95974
Mánadag 24. juni
TB fór við øllum á jóansøku
95971
Mánadag 24. juni
Morgunlestur mánadagur 24. juni 2019
95937
Nýggjastu sendingar í SV
Mánadag 24. juni
3-2
95997
Sunnudag 23. juni
Andakt við Ara Langgaard
95929
Sunnudag 23. juni
Guðstænasta í Fámjins kirkju
95931
Leygardag 22. juni
Video: 10mf, jóansøka 2019
95919
Leygardag 22. juni
Video: 5mf kvinnur, jóansøka 2019
95918