Løgmaður: Skilabest at Bjarni fer í farloyvi

27.02.2018 - 12:07
AktueltPolitikkur
Løgmaður: Skilabest at Bjarni fer í farloyvi
Aksel V. Johannesen, formaður í Javnaðarflokkinum, hevur mælt Bjarna Hammer, tingmanni til at fara í farloyvi, meðan løgreglan kannar málið

Tak niður

Aksel V. Johannesen, formaður í Javnaðarflokkinum, hevur mælt Bjarna Hammer, tingmanni til at fara í farloyvi, meðan løgreglan kannar málið um hassj, sum Sosialurin boðaði politinum frá fyri nøkrum vikum síðani.

- Vit hava viðgjørt tað í flokkinum, og eg tosaði við Bjarna Hammer í gjárkvøldið. Vit halda, sum støðan er beint nú - bæði fyri Bjarna Hammer sjálvan og hansara familju, og fyri Javnaðarflokkin og politiska skipanina - at tað er skilabest, meðan løgreglan kannar málið, at hann fer í farloyvi, sigur løgmaður.

Søgurnar um tingmannin eru sera ørkymlandi. Tað endurtók Aksel V. Johannesen, tá vit fyri løtu síðani tosaðu við hann í Tinganesi.

- Hann er ikki í løgtinginum í dag, og hann umhugsar sína støðu, og so taka vit harfrá, sigur hann, og leggur afturat, at hann heldur tað er skilabest fyri allar partar, um Bjarni Hammer fer í farloyvi, meðan løgreglan kannar málið.

- Tí er tað ein máti at fáa eitt sindur ró yvir tingini, at hann trekkir seg, meðan málið verður kannað. So mugu vit bíða eftir, hvørja niðurstøðu løgreglan ella Statsadvokaturin kemur til í hesum málinum, sigur hann og leggur afturat, at enn er eingin skuldseting sett fram av løgregluni.

- Vit skulu minnast til, at vit liva í einum rættarsamfelag, har vit hava rættartrygd, og í hesum máli er eingin dómur avsagdur. Tað er heldur ikki reist ákæra og eingin skuldseting, og tí er tað ikki rætt - hvørki av mær ella nøkrum øðrum - at úttala seg í málinum, fyri enn løgreglan er liðug at gera sítt arbeiði.

Møtti ikki í á tingfund

Bjarni Hammer møtti ikki á tingfundinum, sum byrjaði klokkan 11 fyrrapartin.

Løgtingsskrivstovan vil ikki upplýsa, um løgtingsmaðurin hevur biðið um farloyvi.

Ein umbøn um farloyvi er almenn, tá tingformaðurin lesur hana upp. Og Páll á Reynatúgvu hevur ikki lisið upp nakra slíka umbøn.

Útvarpið hevur aftur fyrrapartin roynt at fáa eina viðmerking frá Bjarna Hammer, men uttan úrslit.

Hoyr samrøðuna við Aksel V. Johannesen, løgmann, í brotinum omanfyri.

 
 
Nýggjastu sendingar í ÚV
Mánadag 9. desember
TEMAPLÁTAN: "21" hjá Adele í 2011
101980
Sunnudag 8. desember
Meg minnist: Absalon Absalonsen (3:3)
101852
Sunnudag 8. desember
Guðstænasta í Leirvíkar kirkju
101973
Sunnudag 8. desember
Credo: Sterkar kvinnur, sterk samfeløg
101764
Leygardag 7. desember
Morgunlesturin leygardagurin 7.desember 2019
101960
Nýggjastu sendingar í SV
Sunnudag 8. desember
Andakt við Marjuni í Kálvalíð
101975
Sunnudag 8. desember
Møti úr Nebo á Toftum
101977
Hósdag 5. desember
Sí sendingina: Ein dagur í Nuuk
101848
Týsdag 3. desember
Kveikur: Samherjaskjølini (2:2)
101784
Sunnudag 1. desember
Andakt við Marjuni í Kálvalíð
101682