Eingin breið pensjónssemja

bannari
21.03.2018 - 12:24
AktueltPolitikkur
Eingin breið pensjónssemja
Breið, politisk semja fæst neyvan um pensjónsnýskipanina. Tað tykist greitt, nú nýskipanin er á veg úr aftur nevnd
Hanna Jensen, Eyðgunn Samulsen, Kristina Háfoss og Jógvan Skorheim, tá pensjónsnýskipanin varð løgd fram.
Mynd: © Almannaráðið  
 
 

Tak niður

Tey vóru 18, sum stóðu aftanfyri ta pensjónsnýskipan, sum varð løgd fram á tíðindafundi í Almannamálaráðnum 3. november í fjør. Og alt bendir á, at tað verða teir tríggir samgonguflokkarnir og Sjálvstýri, sum eisini bera pensjónsnýskipanina gjøgnum løgtingið.

Tað ásannar Eyðgunn Samuelsen, landsstýriskvinna í almannamálum, nú tey fimm lógaruppskotini, ið eru grundarlagið undir pensjónsnýskipanini, eru áveg úr aftur Fíggjarnevndini og Trivnaðarnevndini hjá løgtinginum, har tey hava ligið síðstu tveir mánaðirnar.

Grundupphæddin skal ikki rørast

Sambært forkvinnunum í báðum nevndum - Ruth Vang úr Framsókn og Katrin Kallsberg úr Tjóðveldi - fara nevndirnar at skriva álit og bera lógaruppskotini innaftur í løgtingssalin, nú fyrsta dagin. 

Tættastur eini semju við samgonguni tykist vera Sambandsflokkurin. Men flokkurin er avgjørdur - grundupphæddin í fólkapensjónini skal ikki rørast. Grundupphæddin er blivin ein kardinalspurningur - avgerandi fyri, um Bárður Nielsen tekur undir við samlaðu pensjónsnýskipanini.

Mugu mótrokna grundupphæddina

Men tað vil samgongan ikki. Neyðugt er at mótrokna í grunduphæddini, tí annars verður ikki talan um eina búskaparliga haldføra skipan, sigur landsstýriskvinnan. 

Hinir andstøðuflokkarnir - Fólkaflokkurin og Miðflokkurin - eru enn meira ivasamir. Hvørki Fólkaflokkinum ella Miðflokkinum dáma politisku ætlanina hjá samgonguni at styrkja Arbeiðsmarknareftirlønargrunnin, vanliga nevndur Samhaldsfasti.

Ætlanin at flyta part av uppsparingini hjá fólki - frá privatum eftirlønaruppsparingum yvir í Samhaldsfasta, verður hartað av Jørgeni Niclasen, formanninum í Fólkaflokkinum, sum heldur tað vera eitt rán frá privatu uppsparingini hjá fólkinum.

Sonja ikki partur av pensjónsnýskipanini

Uttanflokka-tingkvinnan, Sonja Jógvansdóttir, var ikki partur av samráðingunum um pensjónsnýskipanina síðstu mánaðirnar, áðrenn nýskipanaruppskotið varð lagt fram. 

Hon er heldur ikki seytjanda atkvøðan hjá samgonguni í hesum máli - tann leikluturin liggur hjá Sjálvstýri.

Hoyr innslagið omanfyri. 

Meira verður at frætta um pensjónsnýskipanina í Radaranum, sum kemur eftir tíðindini klokkan fimm seinnapartin.

Hoyr Radaran við at trýsta her

 
Nýggjastu sendingar í ÚV
Leygardag 18. august
Morgunlestur leygardagin 18. august 2018
82939
Fríggjadag 17. august
Summartímin fríggjadagin 17. august
84345
Fríggjadag 17. august
Morgunlestur fríggjadagin 17. august 2018
82948
Hósdag 16. august
Summartímin hósdagin 16. august
84299
Nýggjastu sendingar í SV