1,7 milliónir fyri 77 dagar

22.03.2018 - 13:03
InnlendisPengar
1,7 milliónir fyri 77 dagar
Betri Samtakið rindar Bjørn Mortensen meira enn 1,7 milliónir krónur fyri at vera stjóri í 77 dagar.

Danski bankastjórin var ein fyribilsloysn, eftir at Súni Schwartz Jacobsen í fjørsummar fór úr stjórasessinum í úrtíð.

- Ein banki má ongantíð standa uttan stjóra, sigur Birgir Nielsen, nevndarformaður í samtakinum, sum verjir avgerðina um at rinda fyribilsstjóranum meira enn 22.500 krónur um dagin fyri at vera til arbeiðis.

22.500 krónur um dagin

Bjørn Mortensen verður fyrstuferð valdur í nevndina í Betri Banka 21. apríl í fjør. Minni enn tríggjar mánaðir seinni, hin 13. juli, fer Súni Scwartz Jacobsen frá sum stjóri. Og knappliga stendur bankastjórasessurin tómur. 

Men ikki leingi. Nýggi nevndarlimurin í Betri Banka - Bjørn Mortensen - tekur við sum fyribilsstjóri í bankanum dagin eftir.

Nú roknskapurin fyri Betri Banka er almennur, er rokningin fyri fyribilsstjóran tað eisini.

Bjørn Mortensen fær 1.730.000 krónur í stjóraløn. Hann er stjóri frá 14. juli til 29. september. Í 77 dagar.

Sama lønarstøði sum fyrrverandi stjórin

Birgir Nielsen er nevndarformaður í Betri-samtakinum, og hann er eisini næstformaður í Betri Banka. Sambært Birgiri Nielsen er tað táverandi nevndarformaður í Betri Banka, Torben Nielsen, sum ger avtaluna við nevndarlimin Bjørn Mortensen, um at seta seg í stjórasessin beinanvegin.

Sambært Birgiri Nielsen er avtalan galdandi í umleið hálvt ár, og lønar-støðið skal vera tað sama, sum Súni Schwartz Jacobsen fekk.

77 dagar 

Men longu 29.september - 77 dagar seinni, er annar stjóri funnin, og Bjørn Mortensen reisir seg úraftur stjórastólinum.

Hann varðveitir tó løn fyri alt tíðarskeiðið - og tí fær hann 1.730.000 krónur fyri at vera stjóri í 77 dagar.

Birgir Nielsen vísir á, at tað er sera trupult at finna ein skikkaðan bankastjóra í knappari vend. 

Seinni, tað vil siga síðst í september, fann Betri Samtakið nýggjan bankastjóra - inni í samtakinum sjálvum. 

 
Er kopiera

Tak niður

Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584