Lækkar ikki pensjónsinngjaldið

bannari
20.04.2018 - 13:52
Aktuelt
Lækkar ikki pensjónsinngjaldið
Starvsmannafelagið fer ikki at lækka kravda inngjaldið til pensjón, fyri at rinda inngjaldið til Samhaldsfasta, sum hækkar við pensjónsnýskipanini.

Tak niður

- Vit fara ikki at lækka kravda inngjaldið til pensjón hjá okkara limum, hóast inngjaldið til Samhaldsfasta hækkar við pensjónsnýskipanini. 

Tað sigur Súni Selfoss, formaður í Starvsmannafelagnum. 

Inngjald hækkar upp í 6 prosent

Við pensjónsnýskipanini hækkar inngjaldið til Samhaldsfasta úr 4,25 prosentum upp í 6 prosent av lønini í 2020. 

Løngjaldararnir rinda helvtina av inngjaldinum til Samhaldsfasta og arbeiðsgevararnir hina helvtina. Hækkingin í inngjaldinum hevur sostatt við sær, at løntakarar skulu rinda 0,75 prosent eyka av sínari skattaskyldugu inntøku til Samhaldsfasta, og at arbeiðsgevararnir skulu rinda 0,75 eyka av útgoldnum A-inntøkum.

Løntakarar skulu rinda 0,75 prosent eyka

Tað vil siga, at tjenar tú 30.000 krónur um mánaðan, rindar tú í dag 2,25 prosent av tínari løn til Samhaldsfasta - tað er 675 krónur um mánaðan.

Men við pensjónsnýskipanini skalt tú rinda 0,75 prosent afturat um mánaðan - tað er 225 krónur.

Sostatt hevur tú 225 krónur minni eftir av tínari løn eftir skatt hvønn mánaða. 

Ein samhaldsfastur grunnur

Men inngjaldið er at rokna sum ein uppsparing, og tí kemur inngjaldið borgarum til góðar, vísir Súni Selfoss formaður í Starvsmannafelagnum á.

Samhaldsfasti er ein solidarisk skipan, sum hevur við sær, at tey, sum tjena mest, rinda mest inn í grunnin. Útgjaldið verður ásett av stýrinum hvørt ár, og er í dag 4.145 krónur.

Kunnu lækka kravda inngjaldið til pensjónsuppsparing

Í pensiónsnýskipanini stendur, at fakfeløgini kunnu lækka kravda pensjónssamansparingina úr 15 prosent av lønini, sum tað er í dag, niður í 12 prosent.

Endamálið við hesi broyting er millum annað, at ein partur av inngjaldinum til kravdu pensjónsuppsparingina, kann rinda fyri hækkaða, lógarfesta inngjaldinum til Samhaldsfasta. Men fakfeløgini eru ójøvn á málið um, hvørt tað er rætt at lækka pensjónsinngjaldið.

Starvsmannafelagið ætlar ikki at lækka inngjaldið

Millum annað ætlar Starvsmannafelagið ikki at lækka kravda pensjónsinngjaldið, sigur Súni Selfoss, formaður í Starvsmannafelagnum.

- Upphæddin, sum løngjaldarar skulu rinda eyka inn til Samhaldsfasta, er ikki so høg, og hon er at rokna sum ein uppsparing, og tí hava vit ikki ætlanir um at lækka inngjaldið til vanligu pensjónirnar fyri at rinda hækkaða inngjaldið til Samhaldsfasta, sigur Súni Selfoss.

Lurta eftir restini av samrøðuni við Súna Selfoss, formann í Starvsmannafelagnum, omanfyri

Pensjónsnýskipanin til triðju viðgerð

Pensjónsnýskipanin var samtykt við aðru viðgerð í gjár, og skal nú til triðju viðgerð í tinginum.

Hetta verður væntandi í næstu viku, tí ætlanin hjá tingformanninum er, at tingið skal heim í summarfrí flaggdagin, sum er mikudagin.

 
 
Nýggjastu sendingar í ÚV
Sunnudag 25. oktober
Guðstænasta í Fuglafjarðar kirkju
115254
Sunnudag 25. oktober
Meg minnist: Einar Larsen (5:5)
115110
Sunnudag 25. oktober
Ólavur Højgaard er gestur í Brunsj
115244
Sunnudag 25. oktober
Credo: Vakurleiki
115203
Leygardag 24. oktober
Ein miseydnað búseting við Suðurhøv
114211
Nýggjastu sendingar í SV
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073