FM-gull og milliónir til HB

24.09.2018 - 18:46
ÍtrótturFótbóltur
FM-gull og milliónir til HB
HB, sum í gjár vann Føroyameistaraheitið í fótbólti, vinnur umframt gullmedaljur og steyp, fleiri milliónir krónur
Gullmedalja og milliónir til HB

Tak niður

Tey kunnu fegnast í HB. Fegnast um søta FM-sigurin í gjár. Og um mongu milliónirnar, sum felagið nú hevur vunnið sær.

260.000 evrur fær HB fyri at vinna FM. Tað eru slakar tvær milliónir krónur.

280.000 evrur fær HB fyri at koma í Champions League-undankappingina. Tað eru góðar tvær milliónir krónur.

Soleiðis fær HB fýra milliónir krónur í pottin, men felagið fær við vissu aðrar tvær ella tríggjar milliónir krónur aftrat.

Um HB spælir seg víðari í Champions League fær felagið tríggjar milliónir krónur aftrat. Eydnast tað ikki og HB rýkur út, so rýkur felagið ikki longur enn so, at teir koma í aðra altjóða kapping, undankappingina til Euro League, og fyri tað fær HB tvær milliónir krónur.

Tað merkir, at Ári Mohr Olsen og Jógvan Skeel Nolsøe saman við hinum í HB, tryggjaðu felagnum millum seks og sjey milliónir krónur við sigrinum á KÍ í gjár.

Kaj Leo Holm Johannesen, formaður í HB vísir á, at pengarnir koma, tí felagið fær øktar útreiðslur av ferðing og øðrum, sum stendst av altjóða luttøku, men annars skulu pengarnir ikki verða partur av dagliga rakstrinum av felagnum. Felagið skal konsoliderast, sigur formaðurin og leggur afturat, at ungdómurin í HB kann fáa ágóða av vinninginum, men sigur tó, at tað er ein spurningur, sum starvsnevndin skal taka støðu til.

 
Nýggjastu sendingar í ÚV
Leygardag 11. juli
Kjakaríið: Heini, Ester og Høgni
111286
Leygardag 11. juli
Miskunnarleysir dagar í Hamburg
111045
Leygardag 11. juli
Føroyingar álopnir úr luftini
111275
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281