Føroyingar gávumildari enn grannar okkara

13.10.2018 - 12:36
AktueltSamfelag
Føroyingar gávumildari enn grannar okkara
Føroyingar eru meira gávumildir, tá tað snýr seg um at lata pening til neyðhjálpararbeiði, enn grannar okkara, sigur Jóannes Eidesgaard.
 
 

Tak niður

Landsinnsavningin hjá ReyðaKrossi gav 750.000 krónur. Tað boðar hjálparfelagsskapurin frá í tíðindaskrivi. 

Jóannes Eidesgaard er formaður í Reyða Krossi í Føroyum, og hann fegnast um úrslitið av innsavningini. 

- Tað munar øgiliga væl í arbeiði okkara bæði at veita neyðhjálp úti í heima men eisini her heima, sigur formaðurin í Reyða Krossi Føroyum. 

Innsavningin í fjør gav nakað meira av pengum, tá fekk Reyði Krossur millum 800-900.000 krónur, men Jóannes Eidesgaard fegnast kortini alsamt um teir pengar, sum føroyingar lótu. 

- Í miðal hevur hvør íbúgvi í Føroyum givið 14,70 krónur, og samanborið við grannalond okkara, so er tað munandi hægri fyri hvønn íbúgva í Føroyum, sigur Jóannes Eidesgaard og leggur afturat, at hann heldur tað vera eitt tekin um, at føroyingar eru sera gávumildir, tá savnað verður inn til eitt gott endamál. 

At landsinnsavnanin gevur so frætt av peningi, er tí, at føroyingar lata meiri í miðal enn grannalond okkara.

Reyði Krossur fegnast um gávumildni, men hevur ikki nakað greitt svar upp á, hví so er.

Av teimum 750.000 krónunum hevur nevndin í Reyða Krossi avrátt, at 500.000 fara sum neyðhjálp út í heim. Tær seinastu 250.000 krónurnar velur Reyði Krossur at goyma til kreppur.

Hoyr brot úr samrøðuni við Jóannes Eidesgaard, formann í Reyði Krossi Føroyar, omanfyri.

 
Nýggjastu sendingar í ÚV
Mánadag 15. oktober
Við Tórði á túri til roysnissteinar
86442
Mánadag 15. oktober
Síðsta Skríggj 12.oktober 2018
86441
Mánadag 15. oktober
Norðurljóð 15.oktober 2018
86440
Mánadag 15. oktober
Sunnudagstónar 14. oktober 2018
86413
Nýggjastu sendingar í SV
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308
Mikudag 10. oktober
25 minuttir: Jóannes Eidesgaard
86415