- Tíðindi, mentan og ítróttur
Góðan morgun Føroyar
- Tey sakna Føroyar, føroyskan mat og ullint klæðir úr Føroyum. Og eg havi lovað, at eg skal royna at skaffa teimum mat og klæðir úr Føroyum.
Soleiðis sigur Tummas Olsen, sum seinastu níggju árini hevur arbeitt á Mændenes Hjem, ið er eitt tilboð til heimleys í Keypmannahavn.
Sambært honum er ikki óvanligt, at hann hittir heimleysar føroyingar í danska høvuðsstaðnum:
- Tað er meira vanligt, enn mann kundi ímyndað sær. Gjøgnum hesi árini havi eg hitt nógvar føroyingar - summir eru á Mændenes Hjem í stutta tíð, meðan aðrir eru har í fleiri ár, sigur Tummas Olsen.
Í farnu viku skrivaði hann á Facebook, at hesir føroyingarnir saknaðu bæði mat og klæðir úr Føroyum, og tí heitti Tummas Olsen á fólk, um at lata mat og klæðir, soleiðis at hann kundi taka tað við til Keypmannahavnar til heimleysu føroyingarnar. Eitt nú ynsktu hesi fólkini sær føroysku, heimabundnu troyggjurnar, grindalykkjur og spik.
Og nú Tummas fer niður aftur til Danmarkar, fer hann als ikki tómhentur av landinum:
- Eg havi fingið fylt kuffertið og meir enn tað, sigur Tummas Olsen.
Í morgunsendingini griddi Tummas Olsen frá arbeiðinum á Mændenes Hjem og um tey fólkini, hann hittir har.