Týdningarmikið við stigum

Tað hevur týdning fyri undankappingina til EM í fótbólti, at Føroyar fáa stig í teimum síðstu UEFA nations league dystunum. Tað sigur Kristin Dam Ziska, varaaðalskrivari í Fótbóltssambandinum.

Eydnast tað ikki, er vandi fyri, at føroyska fótbóltslandsliðið verður styrkismett í lægsta bólkinum, tá lutakastið verður í desember. Hoyr samrøðu við varaaðalskrivararn omanfyri. 

Nú tveir dystir eru eftir at spæla í UEFA Nations League undankappingini eru Føroyar á triðja plássi í bólki-3.

Kosovo er á odda við átta stigum, Aserbadjan hevur seks stig, Føroyar hava fýra stig og Malta er aftast við tveimum stigum.

Dysturin millum Aserbadjan og Føroyar verður spældur í Baku leygardagin klokkan 17.