Flogruta til New York týdning fyri ferðavinnuna

16.12.2018 - 18:31
Aktuelt
Flogruta til New York týdning fyri ferðavinnuna
Fær Atlantsflog loyvi at flúgva til New York, verður tað lættari at fáa amerikansk ferðafólk at koma til Føroya, vísur Guðrið Højgaard á.

Tak niður

Atlantsflog hevur biðið amerikonsku flogmynduleikarnar um loyvi at flúgva rutuflúgving og charterflúgving millum Vágar og New York.
Tað skrivar Aviator, sum er amerikanskur miðil um flogferðslu, og tað váttar Jóhanna á Bergi, stjóri í Atlantsflogi, eisini fyri Kringvarpinum.

- "Tað er rætt, at vit júst hava søkt um loyvi at flúgva til New York, og vit bíða nú eftir svari. Ætlanin er at gera nakrar fáar túrar á heysti 2019 - einar 4-6 túrar, sjeynda hvønn dag," sigur Jóhanna á Bergi.

Flogið verður við nýggja Airbus 320 neo-flogfarinum, sum Altantic Airways fær næsta ár. Í flogfarinum er pláss fyri 174 ferðafólkum.

Jóhanna á Bergi leggur aftrat, at tað annars framvegis eru góðir møguleikar at flúgva umvegis Keflavík til USA alt árið, men hon heldur, at tað er nakað heilt serligt, at binda Vágar og New York saman beinleiðis.

Stóran týdning fyri ferðavinnina

Og flogrutan kann fáa stóran týdning fyri føroysku ferðavinnuna, vísur Guðrið Højgaard, stjóri í Visit Faroe Islands á. Hon sigur, at talið av amerikanskum ferðafólkum í Føroyum er vaksið nógv seinastu árini, men tað fer ivaleyst at vaksa meira, um beinleiðis flogsamband verður millum Føroyar og New York. 

Visit Faroe Islands hevur lagt seg mest eftir at lýsa við Føroyum sum ferðamannamáli á evropeiska marknaðinum, men hevur eisini verið virkið á amerikanska marknaðinum. "Og nú fara vit helst at verða enn meira virkin á stóra amerikanska marknaðinum", sigur Guðrið Højgaard. Hon vísur á, at amerikansk ferðafólk eru keypisterk, tey keypa túrar og útferðir, og sum heild er Amerika ein góður marknaður. 

Danskir mynduleikar eisini góðkenna

Tá umsóknin er viðgjørd av amerikansku flogmynduleikinum, skulu eisini danskir myndugleikar góðkenna flogrutuna hjá Atlantsflogi millum New York og Føroyar. 

Amerikanski miðilin Aviator skrivar eisini, at flogrutan millum USA og Føroyar ferð at opna fyri nýggjar marknaðir bæði fyri ferðandi í USA og í Føroyum, tí onki annað flogfelag flýgur í løtuni millum londini.

Aviator leggur aftrat, at trý nýggj hotel eru í gerð í Havn, sum kunnu taka ímóti einum vaksandi eftirspurnini eftir gistingarplássum í Føroyum.
 

 
 
Nýggjastu sendingar í ÚV
Fríggjadag 23. oktober
Nón 23. oktober 2020
115225
Fríggjadag 23. oktober
Pressan: Stríðið um almenna rúmið
115206
Fríggjadag 23. oktober
Morgunlesturin fríggjamorgunin 23. oktober 2020
114915
Hósdag 22. oktober
RagnarRokk 22.oktober 2020
115131
Hósdag 22. oktober
Breddin
115177
Nýggjastu sendingar í SV
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073
Týsdag 20. oktober
Atlantshavið 1:3 - Lívsstreymur
115072
Týsdag 20. oktober
Úr savninum: Við veðrum í vestaru skor
115071