Slepti ætlanunum um bygnaðarbroytingar

07.01.2019 - 14:19
AktueltSamfelag
Slepti ætlanunum um bygnaðarbroytingar
Heðin Mortensen, landsstýrismaður, hevur eftir mikið fakfelagsligt rumbul slept ætlanunum um bygnaðarbroytingar á Landsverki

Tak niður

- Eg hevði ikki fingið gjørt tey tingini, sum eg havi fingið framt, um eg ikki hevði gjørt tað, sum eg gjørdi.

Tað sigur Heðin Mortensen, landsstýrismaður, sum eftir mikið fakfelagsligt rumbul hevur slept sínum bygnaðarbroytingum á Landsverki.

Í dag var nýggjur fyribilsstjóri settur á Landsverki, eftir at fyrrverandi stjórin, Ewald Kjølbro, í desember fór frá eftir málið um skúladepilin í Marknagili. 

Samstundis, sum at Samferðslumálaráðið fyrr í dag boðaði frá, at Árant Andriasson verður fyribilsstjóri, varð eisini boðað frá, at ætlaðu bygnaðarbroytingarnar, sum nýggi landsstýrismaðurin í samferðslumálum fyri stuttum kunngjørdi, ikki verða framdar kortini. 

Tað var tann 21. desember, at Heðin Mortensen, landsstýrismaður, sjálvur broytti bygnaðin á Landsverki frá fýra til tríggjar deildir. Millum annað hetta fekk Akademikarafelagið til at kæra landsstýrismannin fyrst til løgmann og síðani til Løgtingsins Umboðsmann. 

Nú er nýggjur fyribilsstjóri settur, og ætlanirnar eru samstundis eisini sleptar. Fyribils. 

- Nú hyggja vit frameftir, og tí er tað, at vit skulu fara aftur til upprunan. Men tað merkir ikki, at einki kann broytast og umskipast, og tað skal nú gerast saman við fyribilsstjóranum, sigur Heðin Mortensen. 

Hoyr samrøðuna við landsstýrismannin omanfyri. 

 

 
 
Nýggjastu sendingar í ÚV
Týsdag 19. november
LEITISSTEIN 18.11.2019
101221
Týsdag 19. november
Góðan morgun, Føroyar 19. november 2019
101219
Mánadag 18. november
Tóta og Rasmus eru gestir í Dansivali
101195
Mánadag 18. november
Norðurljóð 18.november 2019
100908
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878