Ætla at halda fram við gerðarrættarmálinum

bannari
25.01.2019 - 09:59
AktueltSamfelag
Ætla at halda fram við gerðarrættarmálinum
Fyrireikingarnar til stóra gerðarættarmálið millum Landsverk og TG-verk halda fram

Tak niður

- Ja, vit halda fram við tí. Tað er stutta svarið frá Árant Andriassyni, tá vit spyrja hann, um Landsverk ætlar at halda fram við gerðarrættarmálinum, ið teir eru í móti TG-Verki.

Ikki á einum máli

Tað stakk ein ósemja seg upp millum Mentamálráðið og Samferðslumálaráðið í kjalarvørrinum av bygnaðarligu broytingunum á Landsverki, tá Árant Andriasson spurdi, hvørt hann hevði heimild at fara víðari við gerðarrættarmálinum, ella um avgerðin nú lá hjá landsstýrinum.

Aðalstjórarnir í ráðunum høvdu hvør sína meting:

Mentamálaráðið hevur yvirtikið skyldurnar av Landsverki, sigur Rúni Joensen, aðalstjóri í Samferðslumálaráðnum.

Nei, sigur Poul Geert Hansen, aðalstjóri í Mentalmálaráðnum, avgerðin liggur hjá Landsverki, tí tað er Landsverk sum stovnur, ið førir sakarmálið móti TG-Verk.

Landsverk tekur avgerðina

Endin var, at bæði ráðini vórðu boðsend út í Tinganes á fund, har millum annað avgerð varð tikin um, at Landsverk sjálvt skal taka støðu til, um farið verður víðari við rættarmálinum.

Harafturat skal peningurin at føra rættarmálið fyri finnast í verandi rakstarjáttan ella við eykajáttan.

Árant Andriason sigur, at Landsverk hevur ikki fingið endaligu upphæddina at vita frá sakføraranum, men at hann hevur fingið vissu fyri, at skuldi eykajáttan verið neyðug, so fæst hon.

Málið heldur fram

Málið hevði skund av fáa avgreitt, tí seinasta freist hjá Landsverki at gera eitt afturrit er 30. januar.

Eitt uppafturrit er seinasti møguleiki, ið saksøkti hevur at svara upp á stevningina og eitt nú biðja um nágreinan av innihaldinum í stevningini.

Hon verður nú latin inn til tíðina, og harvið heldur málið fram, men enn er ikki greitt nær málið sjálvt kemur fyri rættin.

 
 
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618