Heita á samkynd um at ansa sær - serliga á bygd

06.02.2019 - 18:17
AktueltSamfelag
Heita á samkynd um at ansa sær - serliga á bygd
Ein faldari til útlendsk ferðafólk, sum Sansir hava gjørt, mælir samkyndum ferðafólki til at ansa sær - serliga á bygd
Inni í faldaranum er ein opna við vegleiðingum til LGBT ferðafólk - m.a. verður mælt til at tey á bygd ikki flagga við sínum kærleika

Tak niður

"LGBT-personer er velkommen til at nyde Tórshavns ofte livlige natteliv, men det anbefales, at både LGBT'ere og heteroseksuelle kun i beskeden grad viser fysisk hengivenhed  - serlig uden for Torshavn"

Soleiðis stendur undir yvirskriftini 'Information til LGBT-rejsende' í ferðafólkafaldaranum, Faroe Islands: Tourist Guide. Hví samkynd serliga skulu ansa ser á bygd, sigur faldarin einki um. 

Sansir gevur faldaran út á hvørjum ári, og hann kom seinast út í heyst. 

LGBT-fólk og hinskynd annars, verða also av faldaranum, sum hevur eitt upplag uppá 55.000 tilsamans á donskum, týskum og enskum, rádd frá at hava ov nógv alment kroppsligt samband - serliga uttan fyri høvuðsstaðin.

Lena Mohr, stjóri á Sansum, sigur, at greinin í faldaranum er frá 2016, og at hasin setningurin átti ikki at staðið í nýggjasta faldaranum.

 

LGBT eigur orðini

Eiler Fagraklett, nevndarlimur í LGBT-Føroyum, váttar, at felagsskapurin eigur orðini, sum standa í faldaranum hjá Sansum, men at vegleiðingin er fleiri ára gomul og ikki longur er tíðarhóskandi. 

Tí var hon eisini broytt á heimasíðunum hjá LGBT og Visit Faroe Islands. Tað er bara ikki broytt í faldaranum hjá Sansum, sigur Eiler Fagraklett.

 

Dagført: Greinin er broytt. Í upprunaligu útgávuni stóð, at LGBT hevði broytt orðingina á heimasíðuni í fjør. Tað var ikki rætt. Orðingin varð broytt 6. februar 2019. 

 
 
Nýggjastu sendingar í ÚV
Hósdag 21. november
Breddin
101309
Hósdag 21. november
Nón - 21. november 2019
101307
Hósdag 21. november
Katrin Sørensen er gestur í Dansivali
101296
Hósdag 21. november
Áðrenn Elvis: Gleði og kæti
101291
Hósdag 21. november
Góðan morgun, Føroyar 21. november 2019
101286
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936