Pengar til viðgerð uttanlands brúktir í Føroyum

Í fleiri ár eru pengar, sum eru játtaðir til viðgerð uttanlands, brúktir til virksemi í Føroyum - bæði á Landsjúkrahúsinum, á Klaksvíkar Sjúrkahúsi og Suðuroyar Sjúkrahúsið.

Skil skal fáast á hetta, sigur fíggjarnevndin í álitinum í sambandi við viðgerðina av eykajáttan til heilsuverkið.

Tað kann ávirka politisku viðgerðina, at játtanin er til serstaka viðgerð uttanlands, og talan er um stórar upphæddir, sigur Ruth Vang, tingkvinna fyri Framsókn og limur í Fíggjarnevndini.

Pengarnir verða eftir øllum at døma brúktir at taka viðgerðir heim við, sigur Ruth Vang.

Í Fíggjarnevndini liggur eitt yvirlit frá 2014, sum vísir, at góðar seks milliónir vóru brúktar til heimtøkur í 2014, fýra í 2015, seks í 2016 og níggju í 2017.

Í 2018 eru yvir 14 milliónir av játtanini til serstaka viðgerð uttanlands, brúktar í Føroyum.