Skeiva pakkhús, onnur útgáva

10.05.2019 - 20:51
Mentan
Skeiva pakkhús, onnur útgáva
Gist og Vist hevur yvirtikið matstovuna og fer at borðreiða við italskum mati
Hensy Samuelsen, høvuðskokkur, og Ester Remery, matstovuleiðari
Mynd: © Leivur Thomsen  

Tak niður

Tað er ikki so frægt sum eitt ár síðani, at Leif Sørensen saman við øðrum lat upp nýggja matstovu í Skeiva pakkhúsi í Havn. Men nú hevur felagið Gist & Vist yvirtikið gamla pakkhúsið og fer at hava italska matstovu har.

Nýggja matstovan letur upp mánadagin 13. mei og kemur at eita "Skeiva Pakkhús", eins og tann undanfarna.

Vikuskiftissendingin var á gátt, har borðreitt varð við ymsum mati, sum verður at finna í matskránni. Henry Samuelsen, høvuðskokkur, greiðir frá m.a. einum serligum slagi av ravioli, sum er fylt við kjálkum.

Hetta er nakað, hann sjálvur hevur funnið uppá. Ester Remery, leiðari í matstovuni, greiðir frá sínum leikluti, umframt hvat vín verður á skránni. - Alt verður italskt, sigur hon, eisini vínið.

Tað er annars ikki so langt síðani, Gist & Vist lat upp matstovuna The Tarv. Herfyri yvirtók felagið Smyrjibreyðsbúðina í Havn og lat upp matstovina Bitan í sama staði. Næst fyri stendur kioskin hjá Astu á Vaglinum, so sigast má, at felagið ger nógvar og stórar íløgur, og tað gongur skjótt framá.

Spurdur um, hvussu útlitini eru fyri enn meira vøkstri hjá felagnum, sigur Johannes Jensen, stjóri í Gist & Vist, at tað væl er pláss fyri tí, tí í Føroyum eru færri matstovur pr. høvd enn í eitt nú Keypmannahavn. Hoyr innslagið í vikuskiftissendingini, har eisini maturin varð smakkaður.

 
 
Nýggjastu sendingar í ÚV
Hósdag 22. august
Tingið: Framsókn
97928
Hósdag 22. august
Lívsleiðsskiftið (8:8)
96429
Hósdag 22. august
Morguntingið: Hallur, Turið og Bjartur
97922
Mikudag 21. august
Summartímin mikudagin 21. august
97918
Nýggjastu sendingar í SV
Hósdag 22. august
Andglettur - Framsókn
97938
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745