Avlýsing broytir ikki Royal Run

Fríðrikur, krúnprinsur, fer ikki at renna í Klaksvík til Royal Run, sum er leygardagin. Prinsurin hevur aftur fingið ein diskusprolaps, sum ger, at hann noyðist avlýsa sína luttøku í Royal Run.

Men hann kemur til Klaksvíkar, hóast hann ikki luttekur í sjálvari renningini.

Guttorm Sørensen, rennari og ein fyriskiparunum, sigur tað vera harmiligt, at Fríðrikur krúnprinsur noyðist at sita á síðulinjuni og hyggja at, meðan føroyingar renna Royal Run í Klaksvík leygardagin, men hetta broytir ikki tiltakið.

3.800 fólk hava meldað seg til Royal Run.