Atlantsflog sagt tvey virkandi álitsfólk úr starvi

22.06.2019 - 13:55
AktueltVinna
Atlantsflog sagt tvey virkandi álitsfólk úr starvi
Vit hava virkað sum álitisfólk hjá Atlantic Airways, og tí eru vit skelkaðar av at vera sagdar úr starvi, siga uppsøgdu flogternurnar

Tak niður

Uppsøgdu flogternurnar, sum vóru lyklapersónar hjá kabinustarvsfólkunum, eru skelkaðar av framferðarháttinum hjá Atlantic Airways, sum bað tær fara úr starvi beinavegin - uttan ávaring. Orsøkin var, at almenna partafelagið ikki dámdi teirra hugburð. 

Flogternurnar stóðu á odda fyri fakfelagnum hjá kabinustarvsfólkunum hjá Atlantic Airways, og eru forkvinna og næstforkvinna í lokala fakfelagnum fyri kabinu-starvsfólk, sum nú liggur undir danska FPU, Flyvebranchens Personale Union.

Ikki komin við ítøkiligum orsøkum fyri uppsøgnini

Forkvinnan í FPU, Thilde Waast, vísir á, at Atlantic Airways ikki er komin við ítøkiligum orsøkum fyri, hví tey ikki dámdu hugburðin hjá uppsagdu flogternunum.

Sáttmálin millum Starvsmannafelagið og Atlantic Airways fer úr gildi 1. november í ár, men ongar flogternur eru eftir í Starvsmannafelagnum, tær eru farnar í danska felagið, FPU. 1. november hava flogternurnar ongan sáttmála.

Ósemja, um tær vóru álitsfólk

Stjórin í Atlantic Airways vísir aftur, at talan er um álitisfólk, ið eru søgd úr starvi. Galdandi sáttmáli er gjørdur við Starvsmannafelagið, og har eru fólkini ikki limir meira, sigur Jóhanna á Bergi.

Tó vísa flogternurnar á, at tær hava virka sum álitsfólk fyri starvsfólkini - og Atlantic Airways.

Jóhanna á Bergi, stjóri í Atlantic Airways, sigur í stuttari viðmerking, at her er talan um starvsfólkamál, og hon fær tí ikki sagt meira.

Vinnuhúsið er samráðingarpartur fyri Atlantic Airways.

 
 
Nýggjastu sendingar í ÚV
Týsdag 28. januar
Kann TB blíva ein nýggjur "fimmari"?
103992
Mánadag 27. januar
Ísrael, landið og fólkið
103928
Mánadag 27. januar
Við Tóri á túri á Glasi - fyrri partur
103958
Mánadag 27. januar
Norðurljóð 27.januar 2020
103940
Nýggjastu sendingar í SV
Týsdag 28. januar
Andakt við Jóhan Peturi Johannesen
103993
Mánadag 27. januar
3-2
103969
Fríggjadag 24. januar
Hyggjuráðið
103852
Hósdag 23. januar
Sí stuttfilmin: "Ikki illa meint"
103763