Søgan um The Beatles broytt

20.09.2019 - 20:55
MentanTónleikur
Søgan um The Beatles broytt
Band við samrøðum komið undan kavi
Knút Háberg Eysturstein, tónleikafrøðingur
Mynd: Leivur Thomsen  

Tann 11. september hevði blaðið The Guardian eina grein, sum varpaði nýtt ljós á, hvussu The Beatles fór í søguna - og talan er um avgerandi vitan, sum broytir okkara fatan av søguni um heimsins størsta rockbólk nakrantíð.

Vanliga fatanin higartil hevur verið, at limirnir í bólkinum vóru á einum máli um, at teir skuldu fara hvør til sítt eftir, at ter høvdu upptikið tónleikin til útgávuna Abbey Road. Men í greinini vísir søgufrøðingurin Mark Lewisohn á eitt band, sum hann hevur fingið hendur á.

Á hesum bandi eru upptøkur av samrøðum millum John Lennon, Paul McCartney og George Harrison. Orsøkin til, at teir hava tikið bandið upp, er, at Ringo Starr liggur á sjúkrahúsi til kanningar og tískil ikki kann vera við til at leggja ráð saman við hinum limunum.

Og teir eru ikki ørindaleysir - teir hava nevniliga ætlan um at gera enn eina útgávu eftir Abbey Road. Fyri beatleskennarar er hetta stórtíðindi - og ikki bara fyri kennarar, tí The Beatles er størsti rockbólkur, sum nakrantíð hevur verið, og tí hevur nýggja vitanin uppiborið støði sum almenn vitan.

Hoyr Knút Háberg Eysturstein meta um hesi nýggju tíðindi, umframt at hann tekur samanum søguna um bólkin og viðurskiftini rundan um síðstu tíðina hjá beatlunum.

 
Er kopiera

Tak niður

Nýggjastu sendingar í ÚV
Leygardag 24. juli
Morgunlestur leygardagur 24. juli 2021
126391
Fríggjadag 23. juli
Morgunlestur fríggjadagur 23. juli 2021
126390
Hósdag 22. juli
UFO Kjallarin og Rapportin 16
126810
Hósdag 22. juli
Morgunlestur hósdagur 22. juli 2021
126389
Nýggjastu sendingar í SV
Leygardag 24. juli
5mf gentur, norðoyastevna 2021
126880
Leygardag 24. juli
Video: 10mf, norðoyastevna 2021
126879
Leygardag 24. juli
Video: 8mf menn, norðoyastevna 2021
126878
Leygardag 24. juli
Video: 5mf dreingir, norðoyastevna 2021
126876
Leygardag 24. juli
5mf kvinnur, norðoyastevna 2021
126875